కన్యా రాశి - Virgo

Uttaraphalguni - 2, 3, 4; Hasta - 1, 2, 3, 4 ; Chitra - 1, 2 . Padas

ఏప్రిల్ 2025
ఈ నెలలో పరిస్థితులు క్రమంగా మెరుగవుతాయి. ధనప్రవాహం స్థిరంగా పెరుగుతుంది. ఉద్యోగం, వ్యాపారాల్లో ప్రోత్సాహం లభిస్తుంది. ద్వితీయ వారం నుండి పై అధికారుల నుంచి సహకారం వస్తుంది. స్త్రీలకు కీళ్ళ సంబంధ సమస్యలు చికాకులు కలిగించవచ్చు. భాగస్వామ్య వ్యాపార విస్తరణకు అనుకూల సమయం. కుటుంబ ప్రయాణాలు లాభకరంగా ముగుస్తాయి. చివరి వారంలో వివాహ సంబంధ అనుకూలత కనిపిస్తుంది. గృహంలో శుభకార్యములు జరిగే అవకాశం ఉంది.

మే 2025
ఈ నెల ఆకస్మిక అనారోగ్య కారణంగా ఒత్తిడిని ఎదుర్కోవచ్చు. ధనం సమయానికి లభిస్తుంది. 12 నుంచి 16వ తేదీ మధ్య ప్రయాణాల్లో జాగ్రత్త అవసరం. వాహన ప్రమాద సూచనలు ఉన్నాయి. తృతీయ వారం సాధారణంగా ఉంటుంది. చివరి వారంలో అధిక ఖర్చులు మరియు ఆరోగ్య సమస్యలు కలగవచ్చు. ఉద్యోగ అవకాశాలు అర్హత ఉన్నా చివరి నిమిషంలో మిస్ అయ్యే అవకాశముంది. 24, 25, 26 తేదీల్లో సంభాషణలపై జాగ్రత్త అవసరం.

జూన్ 2025
ఈ నెలలో ధనప్రవాహం బాగుంటుంది. వ్యక్తిగత జీవనంలో శుభ సంఘటనలు చోటుచేసుకుంటాయి. వ్యాపార ప్రారంభాలు విజయవంతంగా సాగుతాయి. స్త్రీలు ఆశ్చర్యకరమైన బహుమతులు పొందుతారు. ప్రయాణాలు అనుకూలంగా ఉంటాయి. తృతీయ వారం ఆరోగ్య సమస్యలు కలిగించవచ్చు. జీవిత భాగస్వామి తరపు బంధువులతో అప్రతిభావం ఏర్పడుతుంది. చివరి వారం సామాన్యంగా ఉంటుంది.

జూలై 2025
ఈ నెల ఆరోగ్యంగా ఉంటుంది. సంతానం వలన మానసిక ఉల్లాసం లభిస్తుంది. గృహంలో బంధుమిత్రుల కలయిక కనిపిస్తుంది. పితృ వర్గీయుల కోసం ఖర్చు చేయవలసి వస్తుంది. ఉద్యోగ సంబంధ స్థానచలనం సాధ్యమవుతుంది. అధికారులతో ఉన్న విభేదాలు తగ్గుతాయి. సినీరంగ వ్యాపారాలకు లాభం అంతగా కనిపించదు. భారీ పెట్టుబడులు పెట్టేముందు సలహా తీసుకోవడం మంచిది.

ఆగష్టు 2025
ఈ నెల కూడా అనుకూలమే. కొత్త ఇంటి లేదా వాహన కోరిక నెరవేరుతుంది. గత పెట్టుబడుల ఫలితంగా ధనం వస్తుంది. గృహక్రయ విక్రయాల్లో కొన్ని ఇబ్బందులు ఎదురవచ్చు. మాతృ వర్గీయులతో ఆర్ధిక విషయాల్లో విభేదాలు రావొచ్చు. కొత్త విషయాల్లో ఆసక్తి పెరుగుతుంది. ఉద్యోగ సహకారం బాగుంటుంది.

సెప్టెంబర్ 2025
ఈ నెలలో కుటుంబ పరిస్థితులు మెరుగవుతాయి. భాగస్వామ్య వ్యాపారాల్లో వివాదాలు తలెత్తవచ్చు. తొందరపాటు పెట్టుబడులకు దూరంగా ఉండటం మంచిది. ఇష్టదైవ దర్శనం సాధ్యమవుతుంది. ధ్యాన సాధన వృద్ధి చెందుతుంది. మిత్రులకు రుణ హామీలు ఇవ్వకండి. వివాహ, సంతాన ప్రయాసలు అనుకూలిస్తాయి.

అక్టోబర్ 2025
ఈ నెలలో ఆర్ధికంగా ప్రయోజనం ఉన్నా కుటుంబ సంఘర్షణలతో మానసిక కలతలు కలగవచ్చు. దూర నివాస యత్నాలు కష్టం మీద ఫలిస్తాయి. ఉద్యోగ ఒత్తిడితో శారీరక అలసట ఎదురవుతుంది. వ్యాపారాలు అంతగా రాణించకపోవచ్చు. చివరి వారంలో మిత్రులే శత్రువులుగా మారే అవకాశముంది. వ్యక్తిగత విషయాల్లో జాగ్రత్త అవసరం.

నవంబర్ 2025
ఈ నెల అంతగా అనుకూలం కాదు. వ్యాపార ఆదాయం తగ్గవచ్చు. నిల్వ ధనాన్ని కూడా ఖర్చు చేయవలసి రావచ్చు. వైవాహిక సంతోషం తగ్గుతుంది. శారీరక శ్రమ ఫలించదు. ఒంటరితనం అధికమవుతుంది. 13వ తేదీ తరువాత ప్రయత్నాలు విఫలమవుతాయి. 16, 17, 25, 26 తేదీలు అనుకూలం కావు.

డిసెంబర్ 2025
మిశ్రమ ఫలితాలు ఉంటాయి. ఉద్యోగ నష్టం, కుటుంబ కలహాలు, ఆదాయం తగ్గుదల ఎదురవుతుంది. చిన్న పిల్లల ఆరోగ్యంలో జాగ్రత్త అవసరం. 19వ తేదీ తరువాత నూతన అవకాశాలు కనిపిస్తాయి. కుటుంబ సంబంధాలు మెరుగవుతాయి. 4, 7, 9, 12 తేదీల్లో శుభకార్యాలు చేయకూడదు.

జనవరి 2026
ఈ నెల బాగుంటుంది. ఆరోగ్య సమస్యలు తగ్గుతాయి. ప్రభుత్వ అధికారుల వల్ల ఇబ్బందులు తొలగుతాయి. గృహనిర్మాణ ప్రయత్నాలకు అనుకూల సమయం. ఉద్యోగ పదోన్నతికి అవకాశం ఉంది. ధార్మిక కార్యక్రమాల్లో పాల్గొంటారు. శ్రమకు గౌరవం లభిస్తుంది. జీవిత భాగస్వామితో అనుకూలత ఉంటుంది.

ఫెబ్రవరి 2026
మాస ప్రారంభంలో ధన లాభం ఉంటుంది. బంధువుల సహకారంతో స్తిరాస్తులు పొందవచ్చు. వృత్తి జీవితంలో గౌరవం, అభివృద్ధి ఉంటుంది. విదేశీ అవకాశాలు కలసిరావు. సంతానంతో విభేదాలు, స్త్రీలకు అపవాదులు, మానసిక ఒత్తిడి అధికం. 26, 27, 28 తేదీలు అనుకూలం కావు.

మార్చ్ 2026
ఈ నెల గృహంలో, వృత్తి జీవనంలో అనుకూల వాతావరణం ఏర్పడుతుంది. లాభదాయకమైన మార్పులు ఉంటాయి. వాహన కొనుగోలుకు అనుకూల సమయం. వాయిదా వేస్తూ వచ్చిన పనులు ఇబ్బందులు కలిగిస్తాయి. 16–21 మధ్య ఆహార సంబంధ అనారోగ్యం మానసిక క్షోభ కలిగించవచ్చు.

కన్యా రాశి

శ్రీ విశ్వావసు నామ సంవత్సరంవార్షిక రాశిఫలాలు 2025-26

రాశి పరిచయం
ఉత్తర 2, 3, 4 పాదాలు (టొ, ప, పి),

హస్త 1–4 పాదాలు (పు, షం, ణ, ఠ),

చిత్త 1, 2 పాదాలు (పె, పొ) లో జన్మించినవారు కన్యా రాశికి చెందుతారు.

సంవత్సర శేష సంఖ్య

ఆదాయం 14 వ్యయం 02 రాజపూజ్యం 06 అవమానం 02 — శేష సంఖ్య 7, ఇది అసంకల్పిత లాభాలను సూచిస్తుంది.విభాగాల వారీ ఫలితాలు

కుటుంబం శాంతమైన వాతావరణం. పెళ్లి, సంతాన యోగం. పేరుప్రతిష్ఠ పెరుగుతుంది. కొన్నిసార్లు అనవసర భయాలు, అనుమానాలు సమస్యలు కలిగించవచ్చు. వాటిని జయించాలి.

ఉద్యోగం / కెరీర్ వృద్ధి, పదోన్నతులు, బాధ్యతల విస్తరణ. నెట్‌వర్కింగ్, నాయకత్వ లక్షణాలు మెరుగుపడతాయి. మే తర్వాత అనుకూలత మరింత పెరుగుతుంది.

ఆర్థికం స్థిర ఆదాయం, పెట్టుబడులకు అనుకూలత. పొదుపు, కుటుంబ మద్దతు. మే తర్వాత ఆస్తుల లాభాలు. కుటుంబ శుభకార్యాలకు ఖర్చులు పెరగొచ్చు.

ఆరోగ్యం ప్రారంభంలో బలమైన ఆరోగ్యం. కేతు ప్రభావంతో మానసిక ఒత్తిడి. యోగా, ధ్యానం అవసరం. ప్రాథమిక పరీక్షలు తప్పనిసరి.

విద్య పోటీ పరీక్షలు, ఉన్నత విద్యలో విజయం. గురు దృష్టితో విద్యార్ధులకు అనుకూలత. క్రమశిక్షణ, గురువు సలహా తీసుకోవాలి.

వ్యాపారం ప్రణాళికలు, విస్తరణకు అనుకూలం. కస్టమర్ సంబంధాలు మెరుగవుతాయి. భాగస్వామ్యాల్లో జాగ్రత్త అవసరం. శని ప్రభావం వల్ల వివాదాలు తలెత్తవచ్చు.

పరిహారాలు

· శని: శని స్తోత్రం, శనివారం తైలాభిషేకం.

· గురు: గురు పారాయణం, బ్రాహ్మణ సేవ, పసుపు దానం.

· రాహు / కేతు: దుర్గాదేవి అర్చన, రాహు‑కేతు మంత్ర జపం, గణేశ పూజ.

సూత్రవాక్యం
గురుగ్రహ అనుకూలత వల్ల అనేక రంగాల్లో అభివృద్ధి; శని, కేతు ప్రభావాల నివారణతో మేలు. 2025-26లో విజయానికి శ్రమ, పరిహారాలు, సంబంధాలపై శ్రద్ధ కీలకం.

Additional Info:

గ్రహ ప్రభావ విశ్లేషణ
గురు సంవత్సరం పొడవునా మంచి ఫలితాలు ఇస్తాడు. 15 మే 2025 వరకు పితృ వర్గం వలన లాభం, వారసత్వ విషయాల పరిష్కారం, నిలువ ధనంలో వృద్ధి. 16 మే → 19 అక్టోబర్: వివాహం, భాగస్వాముల సహకారం, పుణ్యకార్యాలు. 20 అక్టోబర్ → 5 డిసెంబర్: ఆర్థిక లాభం, గజకేసరి యోగం వలన భాగ్యవృద్ధి. 6 డిసెంబర్ → 18 మార్చి 2026: కుటుంబ ప్రతిష్ట, సోదరుల అవసరాలకు సహాయం, వివాహయోగం.

శని సంవత్సరం మొత్తం ప్రతికూల ఫలితాలు. వైవాహిక సమస్యలు, సంతాన వైఖరి వ్యతిరేకంగా ఉండడం, న్యాయ సమస్యలు, నూతన శత్రుత్వాలు. శని దశ లేకపోయినా పీడనం అధికంగా ఉంటుంది.